Алба хаагчдынхаа хүүхдүүдэд өвлийн хувцас хэрэглэл гардуулан өглөө

Дорноговь аймгийн Онцгой байдлын газраас алба хаагчдынхаа нийгмийн асуудлыг шийдвэрлэх, ажиллах нөхцөл боломжийг бүрдүүлэх зорилгоор тодорхой ажлуудыг зохион байгуулан ажиллаж байна.

 Энэхүү ажлын хүрээнд Дэлхийн зөн олон улсын байгууллагатай хамтран ажилдаа амжилт гаргасан болон өрх толгойлсон, олон хүүхэдтэй алба хаагчдынхаа хүүхдүүдэд өвлийн хувцас хэрэглэл гардуулан өглөө.

 Тус арга хэмжээнд 48 алба хаагчийн 3-12 насны 60 гаруй хүүхдийг хамрууллаа.42622447_1963286733728951_6655776699667447808_n-142622653_302580063857888_5990521870795931648_o

Өсвөрийн аврагч-2018” тэмцээнийг зохион байгуулав.

         Ерөнхий боловсролын сургуулийн ахлах ангийн сурагчдад аюулгүй амьдрах арга ухааны мэдлэг эзэмшүүлэн, гамшигт нэрвэгдэгсдийг аврах, өөртөө болон бусдад анхны тусламж үзүүлэхэд сургаж дадлагажуулах, тэсвэр хатуужилтай, хүнлэг энэрэнгүй хүмүүжил олгох зорилгоор Аймгийн Боловсрол, соёл, урлагийн газар, Улаан Загалмайн хороо, Гэр бүл хүүхэд, залуучуудын хөгжлийн газрын хамтран баталсан удирдамжийн дагуу “Өсвөрийн аврагч-2018” тэмцээнийг аймгийн биеийн тамир спортын газрын цэнгэлдэх хүрээлэнд 2018 оны 09 дүгээр сарын 25 -ны өдөр 9 сумын 12 багийн 84 сурагчдын дунд зохион байгуулав.
Тус тэмцээнийг Онцгой байдлын газрын бүрэлдэхүүн, Улаан загалмайн дунд шатны хорооны зааварлагч С.Ариунцацрал, Агатова өрхийн эмнэлгийн их эмч Э.Наранцацрал, нар хамтран шүүгчээр ажиллав.Тэмцээнийг Мэдлэг сорих асуулт хариулт, Усанд осолдогчийг аврах, Анхны тусламжийн үзүүлэх, хүч тамирын дасгал, химийн хордолтын гэсэн 5 цэгт 9 үйлдэлээр дасгалыг хийж гүйцэтгэв.
Тэргүүн байранд Айраг сумын ЕБ-ын 12 сургуулийн “Аврах” баг тэргүүлж шилжин явах цом ,өргөмжлөл, алтан медаль , бүсийн тэмцээнд орох эрхээр шагнагдлаа.
“Дэд” байранд Иххэт сумын ЕБ-ын сургуулийн баг
“Гутгаар” байранд Замын-Үүд сумын ЕБ-ын 3 дугаар сургуулийн Баг тамирчид шалгарлаа.

IMG_0627IMG_0642

IMG_0645IMG_0935

“БУЯНТ МӨНХДҮҮРЭН” ХХКомпаниас Онцгой байдлын газрын хамт олонд 2018 оны 05 дугаар сарын 14-ны өглөөний 08 цагт Мөнхдүүрэн худалдааны захад гал гарсныг Гал түймэр унтраах, аврах 33 дугаар ангийн бие бүрэлдэхүүн цаг алдалгүй богино хугацаанд бүрэн унтрааж галын аюулаас иргэдийн 200 сая төгрөгний үнэт зүйл, эд хөрөнгийг авран хамгаалсанд талархаж “ТАЛАРХАЛ” илэрхийллээ.

IMG_0142 IMG_0147

ГАЛ УНТРААХ ТУСГАЙ ЗОРИУЛАЛТЫН АВТОМАШИНЫГ ГАРДУУЛЛАА.

         Гамшгийн эрсдлийг олон нийтийн оролцоотой бууруулах үндэсний хөтөлбөр, Галын аюулгүй байдлын тухай хуулийн 15 дугаар зүйлийн 15.1.5 дэх хэсэг, ОБЕГ-н даргын 2015 оны А/346 журам,  Аймгийн эдийн засаг нийгмийг хөгжүүлэх үндсэн чиглэл, Засаг даргын үйл ажиллагааны, Хөгжлийн төлөө хамтдаа хөтөлбөрийн тэргүүлэх зорилтын 4.6.2, аймгийн Засаг даргаас 2018 онд сумдын Засаг дарга нартай байгуулсан төлөөлөн гүйцэтгүүлэх хамтран ажиллах гэрээнд тусгагдсаны дагуу Онцгой байдлын газраас Хөвсгөл, Алтанширээ, сумдад Гал унтраах тусгай зориулалтын Солонгос, Япон улсад үйлдвэрлэсэн 2 автомашины түлхүүрийг гардуулав.

IMG_0059 IMG_0061

ГАМШГААС ХАМГААЛАХ СУРГАЛТЫГ ЗОХИОН БАЙГУУЛАВ.

         Тус аймгийн сумдын Засаг дарга нарт Гамшгийн үед удирдах албан тушаалтны гүйцэтгэх үүрэг, харилцан уялдаа холбоог сайжруулах,  гамшгийн аюулаас урьдчилан сэргийлэх, аврах хор уршгийг арилгах, хойшлуулшгүй сэргээн босгох үйл ажиллагааны мэдлэг олгох, аюулт үзэгдэл, ослын төрөл бүрд урьдчилан сэргийлэх, аврах, хор уршгийг арилгах талаар онолын мэдлэг олгох, чадвартай удирдах албан тушаалтныг бэлтгэх зорилгоор гамшгаас хамгаалах танхимын 2 цагийн сургалтыг 2018 оны 06 дугаар сарын 21-ны өдөр зохион байгуулав. Уг сургалтанд 18 ажилтан, алба хаагч нар хамрагдлаа.

        Мөн Өргөн, Эрдэнэ сумдын Онцгой комисс, ерөнхий зориулалтын мэргэжлийн ангийн удирдах бүрэлдэхүүнд 2018 оны 06 дугаар сарын 25-26-ны өдрүүдэд 10 цагийн танхимын сургалтыг зохион байгуулав.Тус сургалтанд 30 ажилтан алба хаагч хамрагдлаа.

IMG_3180 IMG_0006

“ХҮҮХЭД-БИДНИЙ-ИРЭЭДҮЙ” СЭДЭВТ ӨДӨРЛӨГИЙГ ЗОХИОН БАЙГУУЛЛАА

        Онцгой байдлын газрын даргын баталсан удирдамж, төлөвлөгөөний дагуу Нийтээр тэмдэглэх баярын болон тэмдэглэлт өдрүүдийн тухай хуулийн заалтыг хэрэгжүүлэх ажлын хүрээнд 2018 оны 05 дугаар сарын 31-ны өдөр Онцгой байдлын байгууллагын нийт бие бүрэлдэхүүний хүүхдүүдийн дунд “Хүүхэд-Бидний- Ирээдүй” сэдэвт өдөрлөгийг зохион байгуулж /Дуу, Уран жиргээ шүлэг, Бид чадна хөгжөөнт буухиа, “Миний аав, ээж аврагч” гар зургийн уралдааныг  тус тус  зохион байгуулан тэмцээнд авхаалж, самбаагаа дайчлан амжилттай оролцож байр эзэлсэн хүүхдүүдийг өргөмжлөл, медалиар шагнаж, нийт алба хаагчдын хүүхдүүдэд байгууллагаас гарын бэлэг гардууллаа.

IMG_2882IMG_2971

УДИРДАХ БҮРЭЛДЭХҮҮНД ГАМШГААС ХАМГААЛАХ СУРГАЛТЫГ ЗОХИОН БАЙГУУЛАВ.

          Монгол Улсын Шадар Сайдын 2017 оны 75 дугаар тушаалын нэгдүгээр хавсралт “Гамшгаас хамгаалах мэргэжлийн ангийн дүрэм” шинэчлэн батлах тухай тушаалын хэрэгжилтийг хангах ажлын хүрээнд аймгийн Онцгой комисс, Гамшгаас хамгаалах алба, тусгай зориулалтын мэргэжлийн ангийн бүрэлдэхүүнийг шинэчлэн томилж, аймгийн Онцгой комисс, Сумын Засаг даргын орлогч, Төрийн болон төрийн бус байгууллага, аж ахуйн нэгж байгууллагын  удирдах бүрэлдэхүүний сургалтыг  2018 оны 05 дугаар сарын 24-ны өдөр зохион  байгууллаа. Тус сургалтанд нийт 85 ажилтан, алба хаагчид хамрагдлаа.

IMG_2775IMG_2773

      Дорноговь аймгийн АШУҮИС-ийн оюутнуудаас санаачлан хэрэгжүүлж буй “Оюутны яаралтай тусламжийн нээлтийн арга хэмжээнд Онцгой байдлын газрын орлогч, УСТ-ийн дарга дэд хурандаа Д.Бэхбаяр, Эрэн хайх аврах бүлгийн аврагчид оролцож цаашдын зорилго үйл ажиллагааны талаар хамтран ажиллахаар боллоо.

32624860_1003573386464601_3529482318580285440_n 32482768_1003573446464595_6110798152132984832_n

Ажил мэргэжлийн аварга “Салаа тасаг” шалгаруулах тэмцээнийг зохион байгуулав.

         Онцгой байдлын ерөнхий газрын Тэргүүн дэд даргын баталсан удирдамжийн хүрээнд Гал түймэр унтраах, аврах ангиудын алба хаагчдын албаны мэдлэг, ур чадварыг дээшлүүлэх зорилгоор Онцгой байдлын газрын ажил мэргэжлийн аварга шалгаруулах “Салаа тасаг” шалгаруулах тэмцээнийг Гал түймэр унтраах, Аврах 17, 23, 33 дугаар ангиудын дунд 2018 оны 05 дугаар сарын 15-ны өдөр зохион байгуулав.

        Тус тэмцээний хүрээнд Гал унтраах үйл ажиллагаа, өндрөөс аврах ажиллагаа, цэргийн байр зүй, эмнэлгийн анхны тусламж, хууль дүрэм онолын мэдлэгийг шалгах төрлөөр авхаалж самбаа, мэргэжлийн ур чадвараа сорин өрсөлдөн шилдэгүүдээ шалгарууллаа.

     Тэргүүн байранд Гал түймэр унтраах, аврах 17 дугаар ангийн д/ч Ц.Цогтбаатар захирагчтай  салаа

       Дэд байранд Гал түймэр унтраах, аврах 23 дугаар ангийн д/ч Б.Батзориг захирагчтай  салаа

    Гутгаар  байранд Гал түймэр унтраах, аврах 33 дугаар ангийн а/х Х.Отгонбат захирагчтай салаа тус тус шалгарч өргөмжлөл, мөнгөн шагналаар шагнаж урамшуулав.

IMG_2551IMG_2643IMG_2746